صباح الخير
عايزة احكيلكم حكاية قديمة، بس قررت أشرككم فيها لأنها مزعلانى خالص،
قرية الأمل (جمعية بتشتغل مع أطفال الشارع) جالها مجموعة من المتطوعين من ثمانية سنين و قالولها عايزين نعمل مركز إستقبال للبنات، بنات الشارع بيزيدوا و بيتبهدلوا و بيغتصبوا فى الشارع و الكل بيلوم البنات و شايفهم ساقطات و محدش شايف الظروف الساقطة و المجتمع اللى قلبه ميت.
المهم وافقوا و بعد تعب لقينا بيت نأجره فى إمبابة و إتفتح المركز (60 ش نصوح باشا خلف الصم و البكم- تعالوا زورونا)ن فتح المركز و إشتغل و بدأت أعداد البنات اللى بتقضى اليوم هناك تزيد، و بدأ شوية منهم يقول نسيب الشارع، و فتحنا مزاكز إقامة حسب السن و الظروف و بقوا 3 مراكز إقامة لبنات كان مصيرهم حيكون حياة الشارع.
المهم نفس مجموعة المتبرعين قالوا نشترى بيت علشان نتوسع، البنات زادوا، و طموحاتنا كبرت، عايزين ورش و عايزين مطبخ كبير، و مكان يلعبوا فيه، عايزين و عايزين....، و بحثوا كثير عن مكان مناسب و قريب من المركز القديم، و وجدوه، و راحوا الحي و سألوا، كل الأوراق تمام، و حطوا فلوسهم فى المبنى، و بعدين قدموا على تصاريح بناء دورين فوق الدورين الموجودين علشان يتوسعوا (الأساسات تسمح و المنطقة نظام التصاريح فيها يسمح). كلام جميل؟ المهم قابلتهم واحدة قالت تتعاملوا مع مهندس تبعى علشان الرسومات، قلنا ماشى، مكتبه فين؟ مالهوش مكتب، طب عايز كام؟ عايز عشرين ألف جنيه، علشان حضرتها تمضى على تراخيص البناء و إحنا ورقنا سليم، قلنا لا، مش حندفع. و تعاملنا مع مكتب هندسى ثانى، و جبنا موافقات جهات هندسية حكومية على التعلية، و خلصنا ورقنا و قدمناه.
بعد شهر جالنا إخطار إننا مخالفين و لازم نوقف أى بناء، إحنا مكناش بنينا أصلا بس لازم نوقف، المهم رحنا نسأل قالولنا اللى قبلكم خالف و بنى حجرة فى "الحديقة"، فين الحديقة دى يا عم؟ أتارى المنطقة كلها بيوت لها "حدائق" بس كل بانى فيها من زمان و كله مثبوت فى العوائد و الحكومة عمرها ما قالتلهم بم، ده كمان كلهم معليين عليها و برضه محدش قالهم بم، بس إحنا لازم نزيل.
رحنا محافظ الجيزة، قالبنا بإبتسامة جميلة و وعدنا إن لو فى إيديه شئ حيعمله، قلناله القانون بيقول من حقك تؤشر بالتغاضى عن "المخالفة" لو إن مفيهاش خطورة و لو إنها لمصلحة عامة، و إحنا و الله عايزين نساعد الحكومة و نلم العيال من الشارع (مع إننا مش إحنا و الله اللى نزلناهم)، المهم إبتسم إبتسامته الساحرة و طمننا، و بعد أسبوعين جالنا قرار إزالة بإمضاء منه.
البيت خلص، و جميل، و إحنا بنفرشه علشان البنات تتنقل، و كل لما نبيض و لا نشترى موبيليا و لا نعلق صورة نقول "بس ربنا يستر و ميهدوهوش على دماغنا و دماغ العيال".
أنا بس مش عارفة الناس دى ليه بيقولوا "عقد الطفل"، و "حق الطفل"، و "إستراتيجية لحل مشكلة أطفال الشارع"، و كلام كبير قوى، و بعدين ميسيبوش رحمة ربنا تنزل.
ربنا يستر على بلد ترمى عيالها فى الشارع.
ربنا يستر عليكى يا مصر.
عايزة احكيلكم حكاية قديمة، بس قررت أشرككم فيها لأنها مزعلانى خالص،
قرية الأمل (جمعية بتشتغل مع أطفال الشارع) جالها مجموعة من المتطوعين من ثمانية سنين و قالولها عايزين نعمل مركز إستقبال للبنات، بنات الشارع بيزيدوا و بيتبهدلوا و بيغتصبوا فى الشارع و الكل بيلوم البنات و شايفهم ساقطات و محدش شايف الظروف الساقطة و المجتمع اللى قلبه ميت.
المهم وافقوا و بعد تعب لقينا بيت نأجره فى إمبابة و إتفتح المركز (60 ش نصوح باشا خلف الصم و البكم- تعالوا زورونا)ن فتح المركز و إشتغل و بدأت أعداد البنات اللى بتقضى اليوم هناك تزيد، و بدأ شوية منهم يقول نسيب الشارع، و فتحنا مزاكز إقامة حسب السن و الظروف و بقوا 3 مراكز إقامة لبنات كان مصيرهم حيكون حياة الشارع.
المهم نفس مجموعة المتبرعين قالوا نشترى بيت علشان نتوسع، البنات زادوا، و طموحاتنا كبرت، عايزين ورش و عايزين مطبخ كبير، و مكان يلعبوا فيه، عايزين و عايزين....، و بحثوا كثير عن مكان مناسب و قريب من المركز القديم، و وجدوه، و راحوا الحي و سألوا، كل الأوراق تمام، و حطوا فلوسهم فى المبنى، و بعدين قدموا على تصاريح بناء دورين فوق الدورين الموجودين علشان يتوسعوا (الأساسات تسمح و المنطقة نظام التصاريح فيها يسمح). كلام جميل؟ المهم قابلتهم واحدة قالت تتعاملوا مع مهندس تبعى علشان الرسومات، قلنا ماشى، مكتبه فين؟ مالهوش مكتب، طب عايز كام؟ عايز عشرين ألف جنيه، علشان حضرتها تمضى على تراخيص البناء و إحنا ورقنا سليم، قلنا لا، مش حندفع. و تعاملنا مع مكتب هندسى ثانى، و جبنا موافقات جهات هندسية حكومية على التعلية، و خلصنا ورقنا و قدمناه.
بعد شهر جالنا إخطار إننا مخالفين و لازم نوقف أى بناء، إحنا مكناش بنينا أصلا بس لازم نوقف، المهم رحنا نسأل قالولنا اللى قبلكم خالف و بنى حجرة فى "الحديقة"، فين الحديقة دى يا عم؟ أتارى المنطقة كلها بيوت لها "حدائق" بس كل بانى فيها من زمان و كله مثبوت فى العوائد و الحكومة عمرها ما قالتلهم بم، ده كمان كلهم معليين عليها و برضه محدش قالهم بم، بس إحنا لازم نزيل.
رحنا محافظ الجيزة، قالبنا بإبتسامة جميلة و وعدنا إن لو فى إيديه شئ حيعمله، قلناله القانون بيقول من حقك تؤشر بالتغاضى عن "المخالفة" لو إن مفيهاش خطورة و لو إنها لمصلحة عامة، و إحنا و الله عايزين نساعد الحكومة و نلم العيال من الشارع (مع إننا مش إحنا و الله اللى نزلناهم)، المهم إبتسم إبتسامته الساحرة و طمننا، و بعد أسبوعين جالنا قرار إزالة بإمضاء منه.
البيت خلص، و جميل، و إحنا بنفرشه علشان البنات تتنقل، و كل لما نبيض و لا نشترى موبيليا و لا نعلق صورة نقول "بس ربنا يستر و ميهدوهوش على دماغنا و دماغ العيال".
أنا بس مش عارفة الناس دى ليه بيقولوا "عقد الطفل"، و "حق الطفل"، و "إستراتيجية لحل مشكلة أطفال الشارع"، و كلام كبير قوى، و بعدين ميسيبوش رحمة ربنا تنزل.
ربنا يستر على بلد ترمى عيالها فى الشارع.
ربنا يستر عليكى يا مصر.
هناك ٤ تعليقات:
طيب الأخبار دلوقت أيه؟ هل خلصتوا توضيب البيت و لا فيه مشاكل تانية؟ ممكن نساعد؟
الف شكر على السؤال و الاهتمام
الحقيقة ان المشكلة قائمة، صحيح احنا تنازلنا عن حلمنا اننا نعلى المبنى
و يكون اربع ادوار بدل من اثنين بالرغم من ان كل جيراننا خمس و ست طوابق
و كلهم بانين فى "الحديقة"، و قررنا علشان الفلوس ما تقفش اننا نشطب
البيت و ننقل البنات.
البيت دلوقت جميل، حقيقى يفرح اتشطب تشطيب جميل، و جبنا العفش، و من ثلاث
شهور و احنا بنعمل محاولات اننا ننقل من المقر الجديد و بالرغم من انه
على بعد مائة متر فقط من الجديد الا انه يبدو اننا على بعد شهور من
النقل، و مرة اخرى بسبب حى امبابة، الحى يماطل فى اعطائنا ورقة لوزارة
التضامن علشان نقدر ننقل تصريح نقل النشاط الى العنوان الجديد، الحى فى
هذا يستند الى اننا الان فى خصومة، بالرغم من ان الخصومة تخص ترخيص بناء
و ليس بسبب ان المنزل فيه اى مشاكل من الناحية الفنية. و احنا معانا
اوراق من جهات هندسية حكومية تقول ان البيت بحالة ممتازة.
الحمد لله ما تبقى من تجهيزات قليل، لكن الاحباط اللى انا شخصيا فيه، و
اللى بيشاركنى فيه كل الموظفين و البنات فى المبنى القديم كبير، لان
المبنى اصبح صعب البقاء فيه، فالمالك الحالى له (و نحن مستأجرون فقط فى
المبنى القديم) المالك الحالى استطاع انه يستخرج تصريح ببناء دورين
(غريبة مش كده؟ بس بعد ما جم الحى و قالوا انت مخالف، اجتمع بهم و طلعوا
مقتنعين انه مش مخالف و لا حاجة!!) يا ريت يصدقونا زى ما بيصدقوه!
فى كل الاحوال اشكر كل من اهتم بالموضوع، و لو تعرفوا اى موظف فى حى
امبابة او فى محافظة الجيزة او اى حد يقدر يقنع الحى (او المحافظ) اننا و
اللة بنحاول نعمل شئ لله، و ان و الله الموضوع مفيهوش اى نفع شخصى
للمتبرع و لا للجمعية و اننا حقيقى نتمنى نفتح لان بالمنظر ده فيه مبالغ
كبيرة من المال واقفة رغم انها مدفوعه لله و فى الخير
عموما مقدرش اقول غير حسبى الله و نعم الوكيل
الظاهر الست اللى طلبت العشرين الف جنيه دى سرها باتع .بس هيا كلمة باتع يعنى ايه.مش مهم.المهم انى فى ناس بتفكر تعمل خير لسه .ربنا معاكى
الحمد لله البيت اتفتح و البنات ملينه، احنا تخليناعن فكرة اننا نبنى دورين بس صدقنى الدورين اللى موجودين حلوين و البنات بتاخد خدمة كويسه يا ريت تقدروا تزورونا
و دعواتكم لان المشاكل على طول موجودة و مش بتنتهى و ماهياش مشاكل مع العيال فى الشارع لكنها مشاكل لها علاقة باوراق و موافقات و لجان وووووو و انا تعبت!!!
إرسال تعليق